Nýr áfangi við Nauthólsveg að hefjast

Undanfarið hefur verið unnið að jarðvegsskiptum á norðvesturhluta Nauthólsvegar, framan við lóð Flugstjórnarmiðstöðvarinnar (Avians), og komið þar fyrir fargi til að undirbúa jarðveginn fyrir áframhaldandi framkvæmdir.

Framkvæmdir við Nauthólsveg þar sem meðal annars er verið að leggja hjáleiðir. Opið fyrir alla umferð á framkvæmdatíma.

Þá er malbikun bráðabirgðavega lokið en þeir tryggja aðkomu að Háskólanum í Reykjavík og Reykjavíkurflugvelli á meðan framkvæmdir standa yfir. Einnig hefur verið malbikaður bráðabirgðavegur yfir bæjarstæði Nauthóls, vestan við HR.

Nú er að hefjast annar áfangi framkvæmdanna og hefur framkvæmdaröð verið endurskoðuð frá upphaflegum áætlunum. Helsta breytingin felst í því að vinnu við Menntasveig verður flýtt og verður honum því lokað fyrir umferð á meðan framkvæmdir þar standa yfir.

Þrátt fyrir lokunina verður aðkoma að Háskólanum í Reykjavík óbreytt.

Aðkoma að malarbílastæðum vestan við HR verður áfram möguleg, annars vegar frá Menntavegi og hins vegar um nýjan bráðabirgðaveg sem liggur yfir bæjarstæði Nauthóls.

Stoppistöð Strætó færð nær inngangi HR

Samhliða breytingunum verður stoppistöð Strætó við HR færð að rútubílastæðum við hringtorgið nærri inngangi háskólans.

Núverandi strætóstoppustöð á Menntasveigi verður færð á meðan framkvæmdir eru í gangi.

Farþegar eru hvattir til að kynna sér breytta staðsetningu stoppistöðvarinnar þegar breytingin tekur gildi sem verður í lok október.

Upplýsingar um framgang verksins og breytingar á umferð verða birtar jafnóðum á framkvæmdasíðu verkefnisins.