Borgar­línunni má líkja við slagæð, sem flytur fólk hratt og örugglega eftir helstu samgöngu- og þróunarásum höfuðborg­ar­svæðisins og starfar með Strætó í heildstæðu kerfi sem verður jafnframt vel tengt hjóla- og göngustígum.

Íbúum höfuðborg­ar­svæðisins mun fjölga um 70.000 til ársins 2040. Umferð­arspár sýna að þrátt fyrir miklar fjárfestingar í samgöngu­mann­virkjum aukast umferð­artafir verulega ef ekki tekst að fjölga þeim sem nýta sér aðra ferðamáta en einkabílinn.