Nauthólsvegur-HR
Uppbygging innviða fyrir Borgarlínu við Nauthólsveg og HR. Verkið er hluti af fyrstu lotu Borgarlínu og felur í sér breytingar á götusniði Nauthólsvegar, Menntavegar og Menntasveigs ásamt gatnamótum og tengingum á svæðinu. Sérrými fyrir almenningssamgöngur verður komið fyrir í miðju götuþversniði, aðskilið frá akreinum fyrir almenna umferð með umferðareyjum. Þá verða gerðir hjóla- og göngustígar beggja vegna götunnar.
Núverandi hringtorgi á gatnamótum Nauthólsvegar og Menntavegar verður breytt í ljósastýrð gatnamót. Vestan Háskólans í Reykjavík verður byggð ný Borgarlínustöð. Ný aðkoma verður gerð að aðalinngangi HR og ný aðkomugata gerð að Landhelgisgæslunni.
Framkvæmdin er samstarfsverkefni Betri samgangna, Reykjavíkurborgar og Veitna.
Upplýsingum verður miðlað reglulega til hagaðila á framkvæmdasvæðinu og hægt er að hafa samband í tölvupósti á netföngin: borgarlinan@borgarlinan.is eða upplysingar@reykjavik.is
Framkvæmdatími
Ágúst 2026 - júlí 2028
Kort af framkvæmdasvæði og akstursleiðum í 2. áfanga
Gildir frá 30.10.2026 - 01.05.2027
Áhrif framkvæmda í 2. áfanga
Áhrif framkvæmda við HR
Aðgengi og bílastæði
- Aðgengi að Menntasveig lokast og umferð er beint um bílastæði.
- Bílastæðum við HR fækkar sem nemur þeim stæðum sem eru við Menntasveig.
- Stoppistöð Strætó við Menntasveig hefur verið færð yfir á Menntaveg til móts við aðal inngang HR.
Hjáleiðir á framkvæmdatíma
Nauthólsvegur
- Allan framkvæmdatímann verða hjáleiðir fyrir akandi, hjólandi og gangandi.
- Ein bílakrein í hvora átt opin allan framkvæmdatímann, 1+1 eins og verið hefur.
- Tengingar við stígana í Öskjuhlíð.
- Stoppistöðvar Strætó opnar allan framkvæmdatímann en færðar til eftir framvindu verksins.
Áhrif framkvæmda við Nauthólsveg
Aðgengi og bílastæði
- Aðgengi óskert og engin áhrif á bílastæði.
- Ein bílakrein í hvora átt opin allan framkvæmdastímann. 1+1 eins og verið hefur.
- Sorðhirða tryggð með venjubundnum hætti.
- Tengingar við stígana í Öskjuhlíð.
- Stoppistöðvar Strætó opnar allan framkvæmdatímann en færðar til eftir framvindu verksins.
Ásýndarmyndir
Nauthólsvegur
Borgarlínustöð við HR
Nauthólsvegur
Framkvæmdasvæðið
Áhersla er lögð á að lágmarka áhrif framkvæmda á umferð allra samgöngumáta. Gerð hefur verið áætlun um bráðabirgðavegi og stígtengingar á framkvæmdatíma, eins og sýnt er á yfirlitskorti. Ein bíla akrein í hvora átt verður ávallt opin. Stoppistöðvum Strætó verður haldið opnum allan framkvæmdatímann en þær verða færðar til eftir því sem nauðsyn krefur. Bílastæðum við HR mun fækka eitthvað á framkvæmdatímanum, misjafnlega mikið eftir verkáföngum.
- Framkvæmdir hófust í lok ágúst 2026 og skal þeim lokið í júlí 2028.
- Verksamningur við Gröfu og Grjót og Malbikunarstöðina Höfða hljóðar upp á tæpa 2,3 milljarða króna sem er lægra en kostnaðarmat sem var 2,9 milljarðar.
- Betri samgöngur greiða 75,1% – Reykjavíkurborg 0,9% – Veitur 23,6% og aðrir 0,4%
Helstu verkþættir:
- BRT akreinar 950m (1+1)
- Bíla akreinar 570m (1+1 akreinar)
- Göngu- og hjólastígar 3.300m
- Lagnir endurnýjaðar
- Nýir ljósastaurar
- Stoppistöð
- Ný aðkoma að HR
- Ný aðkoma að Landhelgisgæslunni
- Ljósastýrð gatnamót
- Gróðurbeð og tré
- Blágrænar ofanvatnslausnir
Öryggis- og umhverfismál
- Framkvæmdir eru nálægt Reykjavíkurflugvelli; því gilda sérstakar hæðartakmarkanir vegna flugumferðar og kröfur um tækjabúnað með virkri hæðarlæsingu.
- Verktaki tryggir að öryggismál séu höfð í fyrirrúmi, ásamt reglubundinni mengunarvöktun og rykbindingu á framkvæmdasvæðum.
Hver koma að verkinu?
Betri samgöngur
Reykjavíkurborg
Veitur
Verktaki Grafa og Grjót
VerktakiMalbikunarstöðin Höfði
Samgöngusáttmálinn
Borgarlínan er hluti af innviðauppbyggingu Samgöngusáttmálans á höfuðborgarsvæðinu.
Innviðir fyrir almenningssamgöngur eru 42% af fjárfestingum sáttmálans, 42% fara í uppbyggingu stofnvega, 13% í gerð göngu- og hjólastíga og 3% fara í umferðarstýringu, öryggi og flæði.
