Framkvæmdir við Fossvogsbrú
Gerð landfyllinga, sjóvarna og nýbygging Öldu — brúar yfir Fossvog. Verkið er hluti af fyrstu lotu Borgarlínu og tengir saman vesturhluta Kópavogs og Reykjavík. Brúin er ætluð Borgarlínuvögnum, strætisvögnum, gangandi og hjólandi vegfarendum, auk forgangsakstri lögreglu, sjúkraflutninga og slökkviliðs. Fossvogsbrú verður 270 m löng og allt að 17 m breið.
Verktakarnir Ístak og Per Aarsleff AS tóku formlega við framkvæmdasvæðinu á Kársnesi í janúar 2026 til að hefja undirbúning brúarsmíði og hófust framkvæmdir í apríl. Hér verða vikulega birtar upplýsingar um framvindu verksins.
Framkvæmdir næstu vikuna
Vinna á sjó: Áætluð næturvinna við burðarás 5 og dagvinna við staura í burðarásum 2 og 3. Vinna á sjó er áfram háð veðri og aðstæðum.
Vinna á landi: Áfram verður unnið við burðarás 1. Undirbúningur fyrir kjarnaprófanir. Tæming borsvarfsgáma heldur áfram. Undirbúningur á framkvæmdasvæði D, landfyllingin Reykjavíkurmegin, en eiginlegar framkvæmdir ekki hafnar þeim megin. Uppsetning á skiltum.
Fyrirhugaðar framkvæmdir
5. júní
Tæming á borsvarfsgámum. Prófanir vegna steypu í burðarás 1.
6. júní
Borvinna í burðarás 5. Tæming á borsvarfsgámum.
7. júní
Borvinna í burðarás 5. Tæming á borsvarfsgámum.
8. júní
Tæming á borsvarfsgámum. Borvinna í burðarás 3 og kjarnaborun í burðarás 6.
9. júní
Tæming á borsvarfsgámum. Borvinna í burðarás 3 og kjarnaborun í burðarás 6.
10. júní
Borvinna í burðarásum 2 og 3. Tæming borsvarfsgáma.
11. júní
Tæming á borsvarfsgámum. Borvinna í burðarás 2.
Framkvæmdatími
2025-2028
Framkvæmdasvæði brúarsmíði
Áhrif framkvæmda
Áhrif á sjó
Siglingaklúbbar og baðgestir (ylströnd)
Svæði í sjó verða sérstaklega girt af með baujum með appelsínugulu flaggi. Öll umferð fyrir innan þær er stranglega bönnuð.
Opin leið fyrir sjófarendur er fyrir miðju framkvæmdasvæðinu – merkt með grænum og rauðum baujum.
Sjófarendur eru hvattir til að gæta varúðar.
Stýrt aðgengi
Unnið að aðgengisstýringarlausnum í samráði við hagaðila.
Áhrif á landi
Hjólandi og gangandi
Greiðfært verður um hjóla- og gönguleiðir við flugbrautarenda Reykjavíkurflugvallar allan framkvæmdatímann. Þvera þarf stígana á einum stað fyrir umferð vinnutækja en þeir verða aldrei lokaðir.
Isavia og Reykjavíkurflugvöllur
Náin samvinna er við Isavia vegna nálægðar við flugvöllinn. Framkvæmdir geta verið stöðvaðar fyrirvaralaust ef flugöryggi er talið ógnað.
Hvað verður gert?
Kort af framkvæmdasvæði Fossvogsbrúar.
Smíði Fossvogsbrúar
Verktakarnir Ístak og Per Aarsleff AS tóku formlega við framkvæmdasvæðinu á Kársnesi í janúar 2026 til að hefja undirbúning brúarsmíði og hófust framkvæmdir í apríl.
Starfsemi verktaka vegna brúarsmíði verður á nýrri landfyllingu á norðanverðu Kársnesi og við Kópavogshöfn. Þriðja skilgreinda vinnusvæðið er á sjó þar sem brúin mun byggjast upp á næstu tveimur árum. Þá er vinnu að ljúka við gerð landfyllinga og sjóvarna Reykjavíkurmegin og verður svæðið afhent fljótlega til verktaka fyrir brúarsmíði.
Verkáætlun verktaka
2026
Áætlað að klára allar stauraundirstöður, undirstöðustöpla fyrir brúarenda Kópavogs-og Reykjavíkurmegin, auk þess að koma fyrir þurrkvíum á milliundirstöðum.
Stálsmíði brúar, brúarstöplaeiningar, og brúarplötueiningar framleiddar.
2027
Flytja brúarstöpla frá Póllandi, hífa í, steypa í undirstöður, og fjarlægja þurrkvíar.
Flytja Stálbrú frá Póllandi, hífa á brúarstöpla og ganga frá tengingum og yfirborðsfrágangi.
Leggja út forsteyptar brúargólfseiningar og steypa efri hluta brúargólfs.
2028
Setja upp vegrið, handrið, Álfasteina, bekki og annan frágang ofan á brú.
Malbika akreinar og göngustíg.
Ganga frá raflögnum og setja upp lýsingu.
Annar frágangur á brú og við brúarenda
Afhenda fullbúna brú 16. júní 2028
Tímarammi fyrir smíði Fossvogsbrúar
Áfangi 1
Landfyllingar
janúar 2024 til júní 2026
Áfangi 2
Brúarsmíði hefst á Kársnesi
apríl 2026
Áfangi 3
Vinna við undirstöður
maí 2026-ágúst 2027
Áfangi 4
Brúarstöplar fluttir og hífðir
vor 2027
Lokið skal við framkvæmdina í heild sumarið 2028
Við hvetjum alla hagaðila og vegfarendur til að kynna sér framkvæmdina vel og hafa samband ef frekari upplýsingar vantar eða ef spurningar vakna.
Netfang verktaka: fossvogsbru@istak.is
Netfang Borgarlínu: borgarlinan@borgarlinan.is
Landfyllingar og sjóvarnir
Kort sem sýnir landfyllingar og sjóvarnir
Landfyllingar og sjóvarnir
Landfyllingar eru gerðar báðum megin Fossvogs og hófust framkvæmdir 17. janúar 2025 á Kársnesi í Kópavogi. Samkvæmt verksamingi skal verkinu lokið eigi síðar en 1. nóvember 2026.
- Landfyllingar verða samtals um 2,3 hektarar auk 0,4 hektara fyllinga á landi.
- Sjóvarnir verða gerðar við strandlengjuna beggja vegna vogsins, alls 960 metrar af nýrri sjóvörn.
- Nýjar landfyllingar við Skerjafjörð frá norðvestri að Kýrhamri og á Kársnesi.
- Framkvæmdin mun fela í sér flutning, flokkun og útlögn efnis, sem og breytingar á ofanvatns- og skólplögnum.
- Efnisöflun, flutningur og útlögn á fyllingarefni er samtals 132.000 m³ .
- Sérstök áhersla er lögð á að göngu- og hjólaleið við Reykjavíkurflugvöll verði opin og greiðfær allan framkvæmdatímann.
Öryggis- og umhverfismál
- Framkvæmdir eru nálægt Reykjavíkurflugvelli; því gilda sérstakar hæðartakmarkanir vegna flugumferðar og kröfur um tækjabúnað með virkri hæðarlæsingu.
- Verktakar tryggja að öryggismál séu höfð í fyrirrúmi, ásamt reglubundinni mengunarvöktun og rykbindingu á framkvæmdasvæðum.
Brúarsmíði
- Útboð var auglýst í maí 2025 og tilboð opnuð 30. september 2025.
- Verksamningur undirritaður við Ístak hf. & Per Aarsleff AS 20. nóvember 2025.
- Áætluð verklok sumarið 2028.
Hver koma að verkinu?
Betri samgöngur
Vegagerðin
Reykjavíkurborg
Kópavogsbær
BrúarsmíðiÍstak hf. & Per Aarsleff AS
Verktaki landfyllinga og sjóvarnaGrafa og grjót ehf.
Samgöngusáttmálinn
Fossvogsbrú er fjármögnuð af Samgöngusáttmálanum og í uppfærðum sáttmála, sem var undirritaður í ágúst 2024, er áætlaður kostnaður við landfyllingar, sjóvarnir, brúarsmíði og aðra landsmótun á svæðinu um 8,3 milljarðar króna. Því til viðbótar innifelur samningurinn við verktakann Gröfu og grjót ehf. landfyllingu og sjóvarnir fyrir Reykjavíkurborg að áætluðum kostnaði upp á 500 milljónir króna.
- Áætlaður kostnaður við landfyllingar og sjóvarnir var í útboði Vegagerðarinnar árið 2024 tæpir 1,3 milljarðar króna en verksamningur við Gröfu og Grjót sem byggði á tilboði þeirra var 70% af þeirri upphæð eða 892 milljónir króna.
- Áætlaður kostnaður við brúarsmíði var 5.960 milljónir króna í útboði Betri samgangna árið 2025. Verksamningur sem gerður var við Ístak og Aarsleff í nóvember 2025 hljóðar upp á 7.661 milljónir króna.
